السر الكامن فى هروب الزوج للقهـــوة !!!!!!

لا يُرفض له طلب
بالطبع عمر الرجل ما يقعد على القهوة ويقول للقهوجي واحد شاي على بوسطة سكر برة ليرد عليه القهوجي قائلا "أنا تعبان .. قوم اعمل انت .. وبالمرة وانت واقف هتلاقي كوبايات مش نضيفة اغسلها .. ومتنساش ترجع كوبايتك المطبخ وتغسلها مش هجري أنا ورا كوبايات الشاي إللي بتسيبها في كل مكان" فهذه الجملة الطويلة السابقة يسمعها الرجل في البيت حتى ولو كانت زوجته صحتها بمب، ولكنه لن يسمعها على القهوة مطلقا حتى لو كان القهوجي تعبان بالفعل ووراه مواعين قد كدة.
فالرجل يأمر فيطاع على المقهى، ولكنه يأمر فمراته تسقعله في البيت، وعمره ما يطلب حاجة وتتنفذ على طول، لازم رغي وكتر كلام ومقاوحة ورفض.
يتكلم براحته
لن يمكن أن يحكي الرجل عن مديره البصباص إللي ماشي مع السكرتيرة ليجد صديقه الجالس بجانبه على القهوة يقول "تلاقيك انت كمان زيه .. صنف نمرود ميملاش عنيه إلا التراب.. ما انتوا عجينة واحدة .. بوريه من الرجالة بوريه .. أيوة يا خويا اعمل إنك مش سامع .. ياما تحت السواهي دواهي" فهذه الجملة يا عزيزي يسمعها في المنزل رغم أنه لم يبدي إعجابه بالسكرتيرة ولكنه يحكي عن مديره البصباص وينتقد ذلك، ولكن مراته تقف له على الواحدة وهات يا تقطيم ورمي كلام وتجريح على الفاضي.
الرجل يتكلم براحته على القهوة ولا يفكر قبل أن ينطق، ولا يخاف من أن يقول "يارب الأهلي يكسب اسمنت أسيوط" فهو إذا قالها في المنزل فسيجد كائن منعكش خارج من المطبخ ولابس المريلة وبيقول "ومالك مش طايق الأسايطة كدة .. عملنالك إيه ياخويا".
يتصرف بحرية
هل يمكن أن يذهب الرجل ويجلس في ركن على المقهى ثم يأتي القهوجي ويقوله "لو سمحت قوم من هنا عشان لسة منضف الحتة دي؟" لأ طبعا .. عمر ما القهوجي يقول كدة، الزوجة بس هي إللي ممكن تقول لجوزها "ما تقعد في حتة تانية .. حبكت القراية في الحتة دي .. ده أنا حيلي اتهد في تنضيفها وترتيبها" وهنا ينظر الرجل للسماء ويسأل سؤالا بديهيا جدا "ياربي يعني عشان هي منضفة يبقى أنا مقعدش عشان م***ش المكان.. لازم يعني أقعد في حتة مت***ة.. أمال هي بتنضف علشان مين؟".
فالرجل على القهوة يقوم ويقعد ويغير مكان الكراسي ويطلب طقطوقة (ترابيزة يعني) ومبسم شيشة يقعد يعضعض في أمه ويتفتف على الأرض بدون أي حرج، ولكنه في المنزل لو وقعت منه لبيسة قلم غصب عنه فلا داعي عزيزي القارئ ...أن أذكر لك ماذا ستقول زوجته، حيث نظرتها تكفي كي تجعله يتنطر ويفذ على حيله ويحضرها سريعا.
يشعر برجولته

هل يمكن أن يقوم صديق الرجل بأن يمسك ريموت التليفزيون ويغير القناة عندما تعرض كليب بوس الواوا، أو هل يمكنه أن يغير القناة التي تعرض فيلم لإيناس الدغيدي ويذهب إلى قناة تعرض فيلم حبيبي دائما؟ استحالة الصديق الصدوق يعمل كدة إما رغبة منه في فيلم إيناس أو خوفا من الوحوش المتسمرة على الكراسي في القهوة أمام الفيلم، ولكن الزوجة تفعل ذلك وأكتر، كما أنها لا تقترب من ميلودي ولا مزيكا طول ما جوزها في البيت كي لا يتهور بإللي في ايده ويعملها واوا حين يشاهد بوس الواوا، كما أن الرجل لو تنح لكليب معين ربما يجد صديقه يداعبه "كفاية يا جدع دا انت كلتها بعنيك" وهنا يشعر برجولته ويبدي إعجابه الشديد بها دون أي خجل، ولكنه إذا لم لم يأخذ حذره وبان عليه إعجابه بكليب معين في منزله، فربما يجد زوجته تتهكم عليه بكلام ملوش أي لازمة بتاع "ياراجل نظرك هيروح من البص .. ده هو الحاجة الوحيدة السليمة فيك ومباظتش بدري بدري".

.................................................. .................

شوفتوا بتوصلونا لايه هههههههههههههه

موضوع عجبنى قولت انقله ليكم هنا

علشان كل واحده تاخد حذرها بقى

هههههههههههههههههههههههههههه

رووووووووووووعه بجد التوبيك بس مش كلنا كده الستات مستر محمد

وهو الراجل ليه اصلا يروح القهوة ويسيبها لوحدها ف البيت

اه ممكن فى ستات كده بس بيتغيروا اكيد بتغير الزوج تجاة زوجته

لما هو شايفنى بنظف يقعد فى المكان اللى بنظف فيه ليه هههههههههههه

مشكوررررررر مستر محمد

بجد كل مواضيعك حلوة اوى وبنستفيد منها مستقبلا ان شاء الله