فاكر يا اسماعيل ............

بسم الله

فى رمضان

فاكر يا إسماعيل

لما كنا صغيرين

وكانت أمى تعطينا الاكياس اللى فيها البلح الرطب وتقولنا

روحوا عند المسجد وفطروا الناس الصائيمين المصلين

==

فاكر يا إسماعيل لما كنا صغيرين
وكنا نروح نصلى التراويح مع جدو حسين وكنا مصرين نقف فى الصف الاول بعد الامام

كانت حياه حلوه يا إسماعيل معناها جميل

انا فعلا بفتقدها الايام دى

ياااه

رغم انه ساعتها كنا صغيرين يا إسماعيل

====

ياااااااااااااااه يا أدهم طبعا فاكر ودى ايام تتنسى كانت احلى ايام

طب انتا فاكر يا ادهم لما كنا بنلعب عند باب الحاره والكوره تيجى عند عمو هيثم

ويفضل يزعق ويشخط انتا يا ولد انتا وهو الكوره لت*****ر الفوانيس

واحنا نجرى بعيييد ونفضل نضحك على عمو هيثم كنا كل يوم ننرفزه ونفضل نضحــــــــــــــــــــك

===
يضحك ادهم ويقول:
يااااااااااه يا اسماعيل ايوه طبعا فاكر
ياه رمضان زمان كان له معنى تانى خالص كله خير ولمه وكنا نزور بعض

===
يضحك اسماعيل ويفتكر موقف ويقول

"ضحك" ياااه يا ادهم فاكر سميه بنت عمتك لما كنا نزورهم
كل العيله كنا بناكل على سفره واحده تيجيى هى وتروح تقول لأ انا مش هاكل معاكم هبقى افطر بعدين

==
كنا بنغلس ونرخم عليها ونقولها ايه يا اختى بتت*****فى مننا

===وكانت
سميه
تقول بكل عزه

لأ

انا مش بتكسف منكم قال ات*****ف منكم قال
لانه مينفعش اكل معاكم وفيكم رجال شباب كتير ممكن كم البلوزه تترفع ايديا تبقى باينه وطبعا
مينفعـــــــــــــــــــــــــــــــــــــــــــــ ـــــــــش كدا

دا انا مسلمه والله ربى

===
كانت بت جدعه قوووى يا ادهم

====

يضحك ادهم ضحكه كبيره يااه ايوه فاكرهاااا دا احنا كنا رخمين قوى يا اسماعيل

ادهم تنفس نفس عمييييييييييييق وقال :
طب فاكر يا اسماعيل لما بابا يجيى يوم عشرين رمضان وياخد مصحفه الكبير ويقول لماما

جهزى اكل وميه وحطيهم فى الشنطه ليا يا ام الولاد

حاضر يا ابو الولاد

وكان يروح المسجد يفضل يذكر ربنا ويقرأ فى القرءان ويدعى كتير قوووى

وكان يوصينا يقولنا

يولادى الايام الاخيره من رمضان دىيمكن ربنا يغفر لنا كل ذنوبنا اذا احسنا عبادته اكثروا فيها من الدعاء داا
"اللهم إنك عفو كريم تحب العفو فأعفو عنا ""

وكان يجيى لما العيد يقرب

الله يرحمك يا والدى

=============

ياااه يا ادهم الله يرحمه
===

يالا يا ادهم نرجع ايام زمان ونعمل زى ما كنا بنعمل فى رمضان

والمره دى احنا اللى هنشترى البلح الرطب وناخد ولادنا معانا يوزعوا على المصليين

ونزور بعض ونبقى لمه زى زمااان

===
يالا يا اسماعيل

====

انتهى الحوار
من هو اسماعيل ومن ادهم ومن سميه ومن عمو حسين .
.اللهم أعلم ..دا حوار عادى جدا بيمثل الحياه ايام زماااااان بالذات عندنااااااا
وفقنى الله واياكم ورمضانكم مبارك

بسم الله الرحمن الرحيم
مشكوووور

فاكر يا اسماعيل ............ 182324

hossam_h_s_b كتب:: بسم الله الرحمن الرحيم
مشكوووور

مشكوووووور حسام على مرورك الطيب

تحياتى

والله ايام رمضان بتاعت زمان دى زى العسل
لما كان عندى 5 سنين كان اولاد المنطقه كلها بيتجمعو قدام المسجد مستنين المغرب يأذن
ال بيلعب و يهزر والقاعد يفرقع فى الحاجات
والله كانت ايام زى الفل
دلوقتى حاسس ان الايام مفهاش بركه تحسى ان اليوم بيطير هوا و مفيش وقت الواحد يعمل اى حاجه
على العموم ربنا يرحمنا و يعفو عننا يا رب
و شكرا على الموضوع يا sun
تسلم ايدك

ĄĎ ĐŖĖām∫ كتب:: والله ايام رمضان بتاعت زمان دى زى العسل
لما كان عندى 5 سنين كان اولاد المنطقه كلها بيتجمعو قدام المسجد مستنين المغرب يأذن
ال بيلعب و يهزر والقاعد يفرقع فى الحاجات
والله كانت ايام زى الفل
دلوقتى حاسس ان الايام مفهاش بركه تحسى ان اليوم بيطير هوا و مفيش وقت الواحد يعمل اى حاجه
على العموم ربنا يرحمنا و يعفو عننا يا رب
و شكرا على الموضوع يا sun
تسلم ايدك

فعلا ايام بتجرى بسرعه الواحد مبقاش حاسس باوقت وخصوصا رمضان عدا بسرعه السنه دى

ويارب ربنا يتقبل منا ومنكم صالح العمال

وكل سنه وانتم طيبين

مشكوووووور احمد على مرورك العطر

نورتنى

تحياتى

انا فاكر مره كان عندى حوالى 6 سنين كنت فى اولى ابتدائى
كنت فى بنت بتخنق منها
و كان فى مسدسات بتضرب نار
المهم لقيت البنت دى رحت حطيت المسدس فى ودنها و ضربتها
ههههههه مش هنسى الموقف و المشاكل ال حصلت فى اليوم دا
والله ايام عسل